尿床

剛剛仲一齊刷牙
媽媽放好牙刷
往房一看
朱朱光著下身訓在床上
心想大事不妙
果然床濕了一大片

最近朱朱要自己除片，除褲
然後光著下身周圍跑
好言商量後
佢自己穿好褲，吾著片

每每大事發生
我總特別冷靜
若無其事抱起朱朱
換上乾淨衣服
邊換邊說話
希望引導佢到自己的私人地方Poo Poo
佢指著床邊的Pooh Pooh床單
朱朱話「係果度poo poo」
真係吾激死都笑死

媽媽換床單
朱朱搬走床上東西
大家都很忙
做到滿頭大汗
最後朱朱答應
以後在自己的私人地方poo poo

失而復得

最近很喜歡帶鴨bb去公園玩
玩玩下鴨bb就會被遺忘
媽媽每次都會偷偷拾起放在袋裡
在佢記起及需要時及時送上
今天鴨bb也被媽媽遺忘了

去到另一個公園
我們才發現吾見左鴨bb
媽媽建議行回頭路去搵
吾捨得離開公園
也吾捨鴨bb
朱朱不斷重複講
「打電話俾鴨bb」
「鴨bb蕩失路」

最後決定返去搵鴨bb
朱朱話佢係圖書館張枱
果然鴨bb正等待我們
失而復得
希望學會珍惜

分享

朱朱果刻喜歡的東西
佢吾會同你分享
鴨bb吾會同小朋友交換玩
一碗提子也捨不得俾一粒媽媽

今日番茄仔特別甜
見佢食得津津有味
我就當住佢面拿1/3食
朱朱向我別眼
媽媽話
「媽媽都好仲意食」
「好好味」
「一齊分享」
朱朱話「佢好仲意食」
最後我有添俾佢
佢食得更滋味

朱朱8個月才勉強開始進食固體。

1歲後進食固體進入穩定狀態，但大前提必須要電視餸飯。

朱朱每次睇電視都被電視吸左咁，睇到眼定定，完全吾知道也不理會身邊發生什麼事。在這個情況下，媽媽就可以餵粥/飯。每次餵飯，媽媽都十分緊張，要愈快愈好，減少睇電視的時間。無奈你愈想快，佢就愈慢，含飯! 媽媽邊餵邊講:「吾食就吾睇啦」，然後又邊餵水，加快食飯速度。

每次餵飯都要半個小時以上，但一定在一個鐘內。睇電視的時間不斷拉長，且要求愈來愈多，一會兒睇哩套，一會睇果套，煩到我……

每次俾佢睇電視，媽媽都很內疚，但佢吾睇又吾食，十分矛盾!

18個月朱朱終於自己食早餐，食麵、通粉、烏冬, 煮得入味，十五分鐘可以一碗食得乾乾淨淨，而且係不用睇電視。

但係午餐晚餐食飯還需要電視餸飯。

最近，朱朱愛上麵粉團。

前二三個星期開始，我們就是邊玩麵粉團邊餵飯，半個鐘內食完一碗飯。每天玩2次麵粉團，連續玩左2個多星期，連出街食飯都係玩住麵粉團食飯。

一開始時，朱朱還掛住Pocoyo, leapfrog, 但佢無堅持要睇，只係口頭講下佢D朋友。這個星期完全冇提及任何關於電視的東西。

玩麵粉團開始冇咁吸引，停一停，我們轉睇書餵飯，又很成功，實在太大滿足感!

下一步要自己食飯。

要放手，才會進步。

20個月的朱朱，開始懂得體驗不同的節慶。之前聖誕節前後，係咁唱Jingo Bell, 最近就唱新年歌。

「恭喜爸爸，恭喜媽媽，恭祝新年快樂!」

仲有恭祝爺爺，奶奶，公公，婆婆……

新年有DIY揮春、大桔、銀柳、炮仗，仲有薑汁黃糖年糕，蘿蔔糕，全部朱朱都有幫手，幫手玩。媽媽真係變左，依家仲意DIY物品，獨一無二，果份心意更是無價。最重要可以同朱朱邊玩邊整，時間過得很快，很充實。

年花媽媽買左清雅的水仙，我們見證著由水仙頭到開水仙花，間屋飄散著淡淡的花香，不往媽媽日日搬出搬入周屋搵位曬太陽。另外，媽媽也買了盤風信子，期待著她的盛放。

上星期六，我們帶朱朱逛維園年宵。媽媽前後2次係維園搞年宵，第2次搞年宵爸爸也有份參與。做生意同湊女一樣艱辛，但不斷有人前仆後繼。可以做自己想做的事，無論結果如何，也是美好的回憶。

午睡後，媽媽被朱朱纏住要我抱，靈機一觸，不如我地玩麵粉團。由開麵粉到上顏色再到玩泥動物，開生日派對，煮飯仔，角色扮演，我坐係地墊足3個鐘，真係坐到腳痛，玩到我很累。但朱朱仍很high, 堅持要再玩，好彩爸爸收工回來，我終於可以休息。

1歲多同朱朱玩麵粉團，她興趣不大，想不到相隔半年，竟然有咁大的改變。小朋友真係大得很快，快到有時我都未能接受到，要好好享受我們相處的日子。

今早，見朱朱有少許鼻水，量一量體溫，38度，最高38.5。

昨天，朱朱in n班，間學校的衛生做得很好，每位進入學校的家長及小朋友必須要洗手及量體溫，大讚!

無奈，朱朱還是病了。

朱朱前後共in 3間學校，最近果2間in完後，第二天早上就發燒，事隔一個月，其實可能吾關間學校事，但也真太巧合，令我重新考慮是否有必要送2歲人仔上n班？？？

原定今天去遊行，去吾到了。上次原本計劃去參加聖誕派對，也泡湯了。

小兒生病，我絕對吾會出街，就算樓下公園也免問。

1. 病本身已很累，加上食藥更累，需要在家好好休息

2. 外面的世界有很多細菌，身體弱，更容易嘢菌

3. 自己辛苦無計，我絕不想因為出街而可能有機會影響到其她小朋友

病了的朱朱，精力一樣旺盛，係個樣冇神，有點累。她更加痴身，會有點扭，訓吾好，食得少，但對奶的需求大大提高。我必須不斷食同飲，希望可以制造更多的奶，希望朱朱食多D，抵抗力高D，快D好番。

朱朱，加油!

踏入新一年，將近20月的朱朱也踏入trounle 2的階段，媽媽真係少D耐性都搞吾掂。

話說昨天早上，我地一齊到公園玩，哩個公園佢應該很熟，摸黑都識得行。昨天，朱朱連行過一條平路的狹橋都一定要我拖住，先敢行過去。之後，仲要我抱住玩sir滑梯，次次都要抱住玩，簡直不敢相信，如此大膽的朱朱突然變左小家碧玉。

離開公園後，我們到街市買餸，再到樓下公園又玩多一陣，之後就吾肯坐BB車，要我抱。好啦，我抱住佢後，仲要係咁扭，係咁講「媽媽抱抱」，煩到我連門口都開吾到，條匙卡住。最後終於成功入屋，但條匙都仍然卡住。我擔心左成日，要爸爸返屋企先拿到條匙出來。

午睡飽飯後，我們一齊玩玩具，要好痴住我一齊玩，好似冇以前咁仲意玩，仲要玩一陣又要轉玩其它玩具，要立即玩，否則自殘，自己抓自己臉，更加吾好話幫手執玩具啦。好，我屈服。

媽媽準備飯仔時，朱朱自己坐係廚房門口玩汽球。我見到佢用嘴食汽球，我話「媽媽吾仲意你食汽球，肮髒。」朱朱聽完，更狠狠地咬汽球。經過再三強調，朱朱先冇再食汽球。晚上，爸爸發現佢又偷食汽球。

每逢媽媽話「媽媽去洗手間」朱朱肯定扭住話「媽媽抱抱」，就算我當時冇抱佢，去到洗手間都一定要抱住佢，抱住左都仍然係咁扭「媽媽抱抱」，直到我搵到一樣吸引佢的玩意。

今早，又案件重演。

我要奪回話事權! 我有24小時陪你玩。

原本打算食完早餐就去公園玩，之後去買餸，全部放棄。好彩仲有餸煮粥仔，睇來要多儲備。

扭計由我換左出街衫，去洗手間時開始。

「媽媽抱抱」係咁喊住講。

抱住，抱住，之後就放下朱朱，話「我地吾去公園，一齊玩玩具啦。」佢又好開心，去搬一箱積木要我開。玩一陣又要轉玩具，點都吾執玩具。我係咁唱pg clean up玩具歌，佢係度笑，拿住一塊積木，想放但又吾放。我就拿個箱去到佢面前，佢自動自覺放入來。放左一塊積木後，朱朱又吾執。媽媽繼續唱，最終都執多幾塊，總算係個好開始。

朱朱愈來愈有自己想法，堅持自我，用盡方法非立即達到目標不可。

媽媽要愈來愈有耐性，有條件，有規則，有方法滿足朱朱。大智慧! 慢慢學習。

今天早上，我們出荃灣打1.5歲五合一預防針。這一次我們是手拖手一起行入打針房。朱朱乖乖地坐在媽媽的腳上玩玩具，然後姑娘就打針。打針時，朱朱有少許抗拒，打完完全冇喊，還立即走去玩其它玩具。點點滴滴，媽媽眼看著，心笑著。

同姑娘姐姐say googbye後，我們搭巴士回家。一路上，朱朱睡在媽媽的腳上，看她自己的照片及影片。媽媽享受著此刻的宁靜，可以欣賞著窗外的海景。暖暖的太陽照在我們的身上，是多麽的溫暖及甜美。