我的朋友,兔子

Leave a comment

書名:我的朋友,兔子
文.圖:艾瑞克.羅曼
譯:鄧詠淨
出版社:小魯

老鼠和兔子是好朋友,兔子心地很善良,但是不管他做什麼,不管他去哪裡……他總是惹來麻煩。   

當老鼠讓兔子玩他的新飛機時,麻煩就來了。然後兔子用他認為的好辦法去解決問題,反而惹來了更大的麻煩…

這是一個關於玩具和友誼的故事,講「包容」與「接納」,老鼠在兔子惹出一堆麻煩後仍然說:「他是我的朋友。」

就快3歲的小女很熱情,與好朋友相聚,總渴望時刻能夠與好朋友手拖手。有時候,好朋友就是不想手拖手,女又要勉強拖手,弄致雙方都不高興,更甚會動手。有時,她們會爭玩具,也有動手的情況。經大人調停後,她們很快又做回好朋友。朋友就是需要互相磨合、接納及包容。

(null)

超級理髮師

Leave a comment

書名:超級理髮師
文:乾榮里子
圖:西村敏雄
譯:蘇懿禎
出版社:小魯文化事業股份有限公司

從書名及封面,相信大家已經對書的內容略知一二,巴魯先生是一個理髪師,但今天的客人實在太奇怪了!理髪店的第一個客人竟然是一隻獅子!巴魯先生有沒有被獅子嚇到呢?他如何面對這個突如其來的客人?好不容易送走獅子,又來了一隻鱷魚。

「鱷魚都冇頭髮!佢來做咪事!」2歲半的女兒搶了我的對白。到底鱷魚需要什麼服務呢?巴魯先生可以幫上忙嗎?為何今天的客人這麼特別?到底發生了什麼事?謎底將於閱讀本書時解開,包你樂開懷!

此書每頁也有4到5行文字,對於幼兒來說並不少。閱讀繪本時,家長可以自我調整繪本的內容,根據小朋友程度而控制長短,不要刻意全盤照著書閱讀。每次閱讀繪本時,小女也會有自己的方向,現階段她們以睇圖畫為主,每次都會有新發現,而我也會順著她的思維走。我們經常邊閱讀邊對答,也邊閱讀,邊角色扮演,互動的閱讀更加生動有趣,融入生活。

IMG_2530.JPG

我愛宮崎駿

Leave a comment

星期六,爸媽帶朱朱去睇宮崎駿手稿展。出發前,爸媽特意俾朱朱睇龍貓電影。朱朱第一次接觸龍貓,就愛上了那些音樂,那些可愛的龍貓,對展覽很期待。

早上10:30am到達沙田博物館,已見有人龍,見要排成個鐘。宮崎駿魔力無法擋!

原來人龍係排隊同龍貓影相! 老實講咁大型展覽,個場景也太隨便了,仲要排成個鐘!

image

image

反而波兒哩3個小水桶得小朋友歡心,又不用排隊,玩左n次。一家大細去展覽,爸爸可以排隊等影龍貓,小朋友可以先入去睇畫同玩水桶。

image

image

小朋友都仲意龍貓!

image

博物館外面個場景仲靚,係冇人排。

image

手稿展不可影相,很多手稿,有埋介紹,其實可以花上很長時間慢慢欣賞。不過2歲人仔無興趣,又肚餓,走馬看花,有點可惜。此外,張入場券仲包埋其它展覽,兒童探知館小朋友必去。其實媽媽好想躲係國畫館吾出來,但朱朱太痴身啦!等佢再大D,耐性好D,再去睇。

玩玩具、變魔術、講故事、覺覺猪

Leave a comment

昨晚,媽咪要去聽講座。爸爸收工赶到家中已經7點半,剛好可以接媽咪既更照顧阿囡。

阿囡一見到我番黎,一如以往,興奮地叫”爸爸番黎”, “爸爸抱”。我通常就攬佢一下,然後同佢講爸爸换衫。阿囡好爽快地話”好~~”(拉長音)。然後,跟住我行入房。這個時候,媽咪就静静地出了門口。

换好衣服,洗乾淨手,我就一邊食飯,一邊坐在playmat上陪阿囡。阿囡玩了一下玩具,突然諗起”媽咪呢?”于是,佢睇下房間,睇下廚房,邊行邊叫媽咪。我就同佢講”媽咪去左買野,陣間番黎”, 佢望一望我,講”媽咪shopping, 媽咪陣間番黎”, 跟住就繼續玩玩具。

食完飯,我就開始專心陪阿囡玩。佢係玩具盒中揾到一粒彩色珠珠,我見到就同佢講”爸爸變個個魔術你睇下”。阿囡又好開心地話”好~~”(再次拉長音)。我將粒珠左手交右手,右手交左手然後趁阿囡唔覺意,擺左係佢衣袋裡面。我打開兩隻手,阿囡見珠珠唔見左,覺得好神奇。然後佢第一時間伸手去摸下自己外套既帽,睇下珠珠係唔係果度。因為我上次變都係收埋係果度。但係今次佢就搵唔到喇。阿囡望住我,然後”O”住嘴,攤開兩隻手,話”冇”。我話”爸爸變左係你個衫袋度,阿囡伸手入去摸了摸,然後露出驚奇既表情話”有,係度”。跟住,攞左珠珠出黎,同埋好開心地邊笑邊講”爸爸變,爸爸變”。然後我地就重覆玩左十幾次。

玩完珠珠之後,我地又開始睇書。睇到左接近9點,阿囡差唔多眼睏,我問佢”飲唔飲奶奶?”阿囡答”好~~”(又係拉長音), “飲bearbear奶奶”(因為奶粉的包裝有隻bear公仔) 。我地一邊睇書一邊睇書,好快地,就飲晒成樽奶。

等了一陣,幫阿囡换埋片同睡褲。我同阿囡講”我地上床睇書好唔好?” Yes, 又是一聲拉長音既”好~~”。睇左一陣,阿囡已經打左幾個”喊露”, 我知道係時候準備訓覺了。這個時候,媽咪番黎,但係媽咪未沖涼,要去沖涼先。阿囡已經有小小扭計要搵媽咪。我同阿囡講”我地熄燈講故事,好唔好”。跟住阿囡仍然都係答了一聲細細聲既”好”, 不過就唔係拉長音喇,證明佢真係有d攰了。

我熄左燈後,攬住阿囡,訓係床度,開始講一個嫲嫲由我細個講到大個既”武松打虎”既故事。我講”有一日,武松係山上面遇到一隻老虎,老虎講”我好肚餓,我要食左你,wow”。講到哩度,阿囡好驚咁就捉實我。我安慰佢話”唔使驚,爸爸保護你”。跟住阿囡就定番d。武松同老虎講”唔好食我,我俾d餅餅你食”, 老虎食完都仲係好肚餓,又要食武松,武松又俾麵麵老虎食。(其實哩d都係阿囡中意食既,我諗唔到點講,就將阿囡平時食既食物代入故事入面。) 講講下,阿囡開始要搵媽咪,我就迅速地將故事發展到武松唱歌氹老虎訓覺。然後開始唱訓覺歌,”Twinkle twinkle little star”, “Good evening to you” 等等。阿囡都跟住一齊唱。但係唱兩句就叫一聲媽咪。哩個時候,我細細聲同佢講”老虎訓左,我地唔好嘈醒佢”。阿囡都好乖地細細聲答我”好”。跟住又重覆以上對話兩三次,阿囡終於訓著左。

哩個係第一次我係媽咪沒有在場的情况下,又唔需要抱住阿囡搖搖,就令佢乖乖訓覺。實在太有成功感了,不能不寫番篇blog來記低件事,哈哈!

24 小時on call

Leave a comment

每天,我圍住朱朱轉,基本上係24小時on call. 除了照顧朱朱的起居飲食,仲要陪玩玩具,睇書,去公園,節目短期內不能重覆,否則朱朱會冇興趣玩。

放電及食飽後,我最期待朱朱午睡的時間。20個月的朱朱,午睡只睡一次,有時只睡半小時,剛準備好佢的午餐,佢就醒。其實我已經很餓了,但都要先服侍佢食午餐,再到我食。發現我食飯的速度愈來愈快,真係依家吾食就無得食咁。

晚上,我最期待爸爸準時回家,然後準時開飯。之後,我就可以享受片刻私人時間。聽住收音機沖涼係我僅有的私人時間,很享受!

朱朱通常晚上9點上床醒覺,我要陪訓,有時我累到也一齊訓著,連陪老公的時間也沒有。朱朱夜晚會醒好幾次,次次都要討奶食,否則抓自己條頸濕疹。吾想佢傷害自己,唯有滿足佢。

今日,朱朱尚在午睡,我可以邊敷mask邊按摩,仲可以打埋日記,實在開心。

image

馬油的壯烈犧牲

Leave a comment

晚上7點,媽媽換左新床單,朱朱見有新床單,好開心上床玩。我見佢同毛毛公仔玩得咁開心,行開去廚房炒個菜。

過了5分鐘,我聽到朱朱的呼喊,行入房,見到朱朱成塊面、成件衫都係馬油,個枕頭因為塗得太多馬油濕左,床、床頭及公仔分別也有不少cream。

我第一下係想笑,但忍住左,先抹乾淨朱朱塊面,安撫朱朱,令她停止哭泣。之後抱離現場,朱朱好似有少少被自己的行為嚇到。停止哭鬧後,我多次抱朱朱入房,同佢講番成件事。見我咁認真,朱朱係有D驚,自己先講

「對吾住」

對話期間,佢係知錯,希望知錯能改。

「bear濕,污穢,沖涼」

「cream擦手」

爸爸回家,朱朱叫爸爸入來睇未清理的現場。爸爸又講多次成件事。

最後,我要朱朱自己清理現場抹走cream,抹抹下又吾抹

「抹,辛苦」

明白抹抹辛苦都算係個好收穫。

image

image

15m的快樂時光

Leave a comment

15m的快樂時光,平日都在家裡及在公園渡過。在家,自己玩蔬菜(毛豆、節瓜、椰菜……),生果(蘋果、橙、柚子……),玩具(貼紙,水,面粉彩畫……),自行玩樂時間愈來愈長,且會要求想玩什麼,開始有主見。

在公園,每天早上有幾個固定的玩伴,且年紀相約,每次大家都會帶自己最仲意的玩具,然後一齊玩。到處都是波波、車車,場面很壯觀!

兒童遊樂場的設施已經很熟識,開始自己制造新玩意,用樹枝畫畫、開鎖;自己丟紙巾入垃圾桶……小物件,大快樂。

image

image

image

image

image

image

image

image

image

image

image

image

image

image

image

image

image

16m的中秋節

Leave a comment

16m識行識走,有時邊走邊跑,終於可以參加中秋晚飯後的活動。食完姑媽豐富的晚餐後,我們向樓下的公園出發。

公園很熱鬧!周圍都見到五顔六色的型光棒。天天去公園,想不到晚上的公園更吸引,只見囡不停走來跑去,不一會兒就成頭大汗。爸爸制造了大小蝴蝶,表姊表妹齊齊扮蝴蝶公主,好可愛!小蝴蝶更加忙碌穿梭在人群裡,快樂的渡過了她正式參與的第一個中秋節。

image

image

image

中秋節仲有媽媽DIY龍貓,豬豬和叮噹燈籠。柚子真係好好玩,玩完燈籠,還可以玩柚皮,物盡其用。

image

image

image

image

image

image

image

Rainbow Blocks

Leave a comment

囡囡很喜歡到玩具反斗城玩
只見她以高速向行進,東摸摸西摸摸
眨眼又轉入另一巷仔巡視業務
很繁忙,很專心的樣子
媽媽在一旁觀戰,邊看邊會心微笑
但每次我們只window shopping
一來不想她認為她喜歡什麼,我們非要買給她
二來媽媽還是比較喜歡益智,多用途,可以長玩的木制玩具
偶然機會下知道有套彩虹積木
媽媽很喜歡,不過亞馬遜太貴了
最終在淘寶淘到了心頭好
我也幫媽媽們組織了好幾次團購
自己又淘左好多新嘢
開心shopping!!!

開頭囡囡還不太懂玩積木
反而爸爸媽媽很喜歡砌屋
囡囡就負責推倒積木等我地重建
漸漸地見我地玩得多
囡也會拿起二三塊積木堆在一起
或者拿起聞下摸下扮超人

image

媽媽DIY積木盒,新玩法

image

剛起床一見有新嘢玩,興奮到連片都未換係要玩左先

image

Light box玩法,媽媽裏面放一個坐枱燈,反轉個塑膠櫃筒,就可以玩啦,係光的照射下,真係好靚!

image

image

image

image

風球下的粟粉樂

Leave a comment

昨天,pg玩粟粉。媽媽每天煮肉都用粟粉,真係估吾到可以咁好玩。

image

鷹牌粟粉2杯加1杯熱水或水開。昨天,miss用水開,開左粟粉放一會兒會變硬,用手去捉粟粉會變軟,似流水。Chemical老師(pg爸爸)話因手有體溫,令粟粉變軟。媽媽也是第一次玩,我好仲意個質感,amazing!

今日整天在家玩,突然又想起粟粉。媽媽用熱水開粟粉,再加少許食用顔料。看著白色粟粉逐漸變粉紅色,真係好靚! 我們玩時還微溫,體驗和昨天不一樣。今天較黏手,軟硬質感沒有昨天強烈,但仍然玩得很開心。

一定要記住用即棄枱布玩,全部粟粉包住丟掉,否則將會塞住升盆或洗手間。