Playgroup有感

Leave a comment

今日是朱朱最後一堂playgroup, 在吳榮基上了一年多pg, 媽媽有點兒不捨得,吾知朱朱有冇同感?

最初媽媽選擇pg的原意是想朱朱有玩伴,同時又可以學習紀律及自理,而媽媽又可以打發時間。全職媽媽每天工作24小時,開足7天,每天不變的生活節奏,pg可以令我有期待的感覺。

慶幸我遇上好老師,除了正常上堂時間,也會分享育兒心得。老師有豐富經驗,再加上她們是旁觀者,看小朋友行為特別敏銳,經她們一提,我總會會心微笑,冇錯,朱朱就係成日咁做!

慶幸我遇上好媽媽朋友,有共同話題,有共同興趣,有共同問題……全部都可以談。育兒之路漫漫長,朋友分享、聆聽及建議很重要!

曾經我很迷惘,到底有上pg的必要嗎?

2歲開始,朱朱要自己上pg。開頭2堂,很順利,完全冇喊冇扭計。第3堂就喊足成堂。我沒有聽住朱朱喊,所以冇心痛的感覺,不過我會問自己「到底有必要上pg嗎?」「我決定對嗎?」不過,朱朱果排晚晚睡前必要我講一次去pg流程。基本上係我開頭,佢自己講故事,講到頭頭是道。第4堂,上學前朱朱扭話吾返,然後自己講「 我喊一陣,玩完玩具喊一陣,睇完書喊一陣,听完故仔喊一陣,做完手工喊一陣。」媽媽心想咁即係喊足成堂。最後係喊少左,一大進步。

上堂發燒冇返pg, 今堂未出發已經喊定,係咁向我洗腦「我吾返pg, 我要同媽媽一齊上pg!」媽媽唯有話「今日去開party, 畢業禮。」聽到party,好開心,立即衝去穿鞋。到左pg果度,未入去已經爆喊,媽媽立即閃人,開心shopping去。放學時候,所有小朋友都開心笑住走出來,果刻我感動了!

image

精靈BB遊學感觀世界(1)

Leave a comment

媽媽讓囡參加playgroup, 只想多一個機會同其他同齡小朋友玩,順帶學紀律。睇來媽媽的選擇無錯。

一去到吳榮基,囡直冲入洗手間,因為她知道要洗手才可以玩。我們早到了,可以先玩一陣,等playgroup 開始。

image

上堂啦,囡較爲活躍,基本都跟著玩遊戲。原來手帕及上鏈玩具可以咁玩法,珍珠奶茶吸管好新奇的玩具,俾星星餅也很有技巧,玩樂於學習中。一小時的pg很充實,囡回家立即睡了,一睡就三個多鐘,太美好!

吳榮基叔叔幼兒遊戲及藝術中心

Leave a comment

屯門媽媽介紹吳榮基是一間很好的幼兒中心,此中心位於蝴蝶邨很近我家,一於上門研究研究。中心負責人蘇姑娘(婷姨姨)給我很深的印象,她會用心記住每一位小朋友的樣子及姓名。我們第二次去中心,她正確地叫雪瑜及另一小朋友的名字,好surprise!這裡小朋友得到尊重!

中心並不大,但五臟六腑齊曬,雪瑜最仲意哩塊可以練習大小肌肉的玩板,好大一塊,有許多不同的小玩意。爸爸話如果搬屋就弄一塊俾雪瑜,聽到都開心!

20130426-130721.jpg

為左玩可以企好耐

20130426-131358.jpg

每次都會有十多種不同的玩具玩

20130426-131517.jpg

仲可以借玩具番屋企玩,每次可以借2個星期。上次借左套疊疊杯,雪瑜好仲意!

20130426-131716.jpg

媽媽係咁疊疊高,雪瑜係咁推跌 ,樂此不彼!

20130426-131931.jpg

整塊玩具板

20130426-132150.jpg

第一次去玩,玩到吾捨得走

20130426-132308.jpg

媽媽幫雪瑜報了五月的playgroup,還未有消息,waiting list中…

龍仔龍女什麼都要排!Playgroup吾上冇所謂,將來幼稚園先煩!